UWC Adriatic прапануе праграму Міжнароднага бакалаўрыята (IBDP). Разам са стандартнымі прадметамі ў каледжы выкладаюцца арабская, нямецкая, славенская, сербская, харвацкая, баснійская і руская мовы, сусветныя культуры і мастацтвы, экалогія і мастацтва. Дадаткова, усе студэнты вывучаюць італьянскую мову як прадмет, хаця яна не абавязкова павінна быць прысутнай у IB дыпломе.

UWC Adriatic ставіць націск на кампаненце “сервіс” сярод праграмы Creativity, Activity, Services (CAS). Фізічная інтэграцыя ў жыццё мясцовай супольнасці дазваляе каледжу мець якасныя адносіны са многімі асацыяцыямі, якія прапануюць многія віды валантэрства ў розных сферах.

Сацяльныя сервісы ўключаюць працу з італьяна- і славена-моўнымі дзецьмі праз мастацтва, выкладанне ангельскае мовы і іншыя медыумы ў мясцовых малодшых школах; мультыкультурныя прэзентацыі, мэта якіх - даць мультыкультурны вопыт вучням лакальных школ праз шэраг мерапрыемстваў, якія накіраваны на барацьбу з прадузятасцямі і расізмам; дапамогу людзям з фізычнымі ці псіхічнымі абмежаваннямі; працу з уцекачамі, людзьмі сталага ўзросту з абмежаванымі магчымасцямі; курс першае дапамогі і праца ў хуткай дапамозе; музычныя канцэрты ў шпіталях і інстытутах для састалелых і хворых людзей; выкладанне навукі для дзяцей і могае іншае.

Крэатыўны кампанент праграмы (Creativity) уключае ў сябе Adriatic Times (блог), кераміку ці лепку, конікі, мастацтва пісьменства, дэбатны клуб, дэкупаж, выяўленчае мастацтва, даследаванне культур праз кіно, мадэль аб’яднаных нацый (MUN), музычныя актыўнасці (хор, урокі фартэпіяна, спеў, ігра на кларнеце, інструментальныя ўрокі і г.д.), фатаздымак, робататэхніку, філасофскі часопіс, TEDx UWC Adriatic, тэатр, выпускны альбом і праграмаванне WEB 2.0.

UWC Adriatic знаходзіцца побач з маляўнічымі трыесцкімі мясцінамі і Альпамі, дзе студэнты могуць займацца рознымі відамі спорту, напрыклад, аэробікай, бамдінтонам, альпінізмам, сучасным танцам, бегам, каякінгам, змешанымі баявымі мастацтвамі, спартыўным арыентаваннем, парусным спортам, футболам, плаваннем, тэнісам, фрысбі і нават ёгай.

Рэзідэнцыі і абсталяванне каледжа размешчаныя на тэрыторыі вёскі Дуіна. Усяго ў каледжы сем рэзідэнцыі для студэнтаў. Іншыя будынкі, якія належаць каледжу, - гэта сталовая, будынак школы, цэнтр мастацтваў, навуковыя лабараторыі, бібліятэка, медыцынскі цэнтр, актавая зала і школа музыкі.

Дуіна - гэта дзівосная вёска на беразе мора, якая знаходзіцца за 20 кіламетраў ад Трыеста. Зацішаная атмасфера Дуіна і спакойны асяродак дапамагаюць весці здаровы лад жыцця. Венецыя знаходзіцца паблізе, як і мяжа са Славеніяй.

Студэнты могуць падаць заяўку на навучанне праз свой нацыянальны UWC камітэт альбо праз UWC Global Selection Programme. Каб даведацца больш пра UWC Adriatic, наведайце вэб-сайт каледжа.