Фінансаванне навучання
Адукацыя UWC каштуе ад $40,000 да $120,000 за два гады ў залежнасці ад каледжа. Гэта сума ўключае пражыванне, харчаванне і навучанне.
UWC прапаноўвае беларускім студэнтам тры віды стыпендый:
Partial scholarship
Каледж пакрывае фіксаваную частку кошту, астатняе аплачвае студэнт.
Up to fully funded scholarship
Стыпендыя можа пакрываць кошт навучання цалкам ці часткова ў залежнасці ад фінансавага становішча сям’і кандыдата. Сям’я сама пакрывае выдаткі на квіткі, візу, кішэнныя грошы.
All inclusive scholarship
Каледж пакрывае 100% кошту на навучанне, выдаткі на візу, пералёт, школьныя вандроўкі, а таксама дае кішэнныя грошы. Стыпендыя прызначаецца кандыдатам, якія патрабуюць найбольшую фінансавую падтрымку і не змаглі б навучацца ў UWC без такой падтрымкі.
Стыпендыі размяркоўваюцца паводле ацэнкі фінансавых магчымасцяў сям’і кандыдата. Кандыдаты, якія пройдуць на 2 тур адбору, запаўняюць форму пра фінансавае становішча сям'і. Паспяховым фіналістам будзе прызначана стыпендыя, якая адпавядае іх фінансавай патрэбе. Каб пацвердзіць інфармацыю ў фінансавай форме, фіналісты адбору дасылаюць даведкі аб даходах бацькоў. Гэта можа быць выпіска з банку, ліст ад працадаўцы, ці падатковая форма.
Усе Нацыянальныя Камітэты свету карыстаюцца адной сістэмай фінансавай ацэнкі кандыдатаў. Гэта робіць працэс празрыстым і дазваляе размеркаваць стыпендыі ў адпаведнасці з фінансавымі патрэбамі кожнага студэнта UWC. Фінансавую ацэнку праводзіць спецыяльна прызначаны эксперт, фінансавае становішча кандыдатаў не агалошваецца адборачнай камісіі і не ўплывае на шанец атрымаць месца ў UWC.