Працэс адбору і тэрміны
Тэрміны*
| Дата | Этап адбору |
|---|---|
| 1-10 верасня 2025 |
Пачатак працэсу адбору |
| 16 лістапада 2025 |
Апошні дзень, каб падаць заяўку |
| 9 снежня 2025 | Абвяшчэнне вынікаў першага тура |
| 20-21 снежня 2025 |
Другі тур: Сумоўе |
| 23 снежня 2025 | Абвяшчэнне вынікаў другога тура |
| 17-18 студзеня 2026 |
Трэці тур: Групавыя актыўнасці |
| 1 лютага 2026 | Абвяшчэнне вынікаў трэцяга тура |
| 10 лютага 2026 | Абвяшчэнне вынікаў |
| Май-чэрвень 2026 | Clearing process |
*Даты могуць змяніцца. У такім выпадку ўсе кандыдаты будуць праінфармаваныя загадзя па электроннай пошце.
Працэс адбору
Адбор у UWC праходзіць у чатыры туры.
Першы тур: анлайн-заяўка
На першы тур кандыдаты дасылаюць анлайн-заяўку не пазней за абвешчаны дэдлайн.
У заяўцы трэба пазначыць агульныя звесткі пра сябе, далучыць афіцыйную выпіску адзнак за мінулы навучальны год і за чвэрці бягучага навучальнага году, расказаць пра свае акадэмічныя і пазакласныя актыўнасці, адказаць на кароткія пытанні і напісаць эсэ на адну з прапанаваных тэм.
Вы таксама павінны запрасіць сваіх бацькоў падаць форму згоды, у якой будзе пазначана, што яны падтрымліваюць вас у падачы дакументаў у UWC.
Увага! Адказваць на пытанні ў заяўцы можна на зручнай для цябе мове (акрамя выпадкаў, калі ўказана, на якой мове трэба адказаць).
Другі тур: сумоўе
Другі тур праходзіць анлайн праз відэаканферэнцыю.
На гэтам туры апліканты праходзяць індывідуальныя сумоўі з адборачнай камісіяй, якая складаецца з выпускнікоў UWC і запрошаных экспертаў.
Падчас працэсу адбору ацэньваюцца асабістыя якасці кандыдата, іх інтэлектуальныя здольнасці, здольнасць атрымаць поспех у насычаным акадэмічным асяроддзі UWC, прыхільнасць да ідэалаў UWC, гатоўнасць да самастойнага жыцця на кампусе.
Трэці тур: групавыя актыўнасці
Фінальны трэці тур праходзіць анлайн праз відэаканферэнцыю і складаецца з групавых актыўнасцяў. Падчас гэтага тура кандыдаты змогуць паказаць свае лідарскія якасці і навыкі працы ў камандзе. Гэта магчымасць праявіць сябе як сацыяльна кампетэнтнага чалавека, які паспяхова ўзаемадзейнічае са сваім асяроддзем. Нацыянальны Камітэт шукае ўдзельнікаў, якія ведаюць як праяўляць павагу да розных пунктаў гледжання, ідэй і могуць эфектыўна пераадольваць асабістую розніцу.
Clearing Process
Фіналісты, якія не атрымалі месца ў каледжы альбо адмовіліся ад прапанаванага месца, трапляюць ў спіс чакання. Цягам мая і чэрвеня 2025 гэтым фіналістам будуць прапанаваныя месцы ў каледжах па ўсім свеце, якія засталіся незапоўненымі. Часцей за ўсё будзе прапанаваная частковая стыпендыя з фіксаваным унёскам ад сям’і кандыдата.
|
УВАГА
|
|---|
|
Заяўка падаецца ў сістэму UWC агулам, а не ў пэўны каледж. Калі ты хочаш паступіць у канкрэтны каледж UWC, трэба падаваць заяўку праз Глабальную праграму адбору і быць гатовымі аплаціць поўны кошт навучання ў каледжы. |
|
Заяўка можа быць накіраваная толькі ў адзін Нацыянальны камітэт (уключаючы заяўку ў Глабальную праграму адбору). Вы можаце падаваць заяўку паўторна на наступны год пры адпаведнасці патрабаванням для кандыдатаў. |
|
Заяўкі кандыдатаў з абмежаванымі магчымасцямі разглядаюцца нароўні з усімі астатнімі. |
|
Усе звесткі пра кандыдатаў, атрыманыя Нацыянальным камітэтам, не перадаюцца трэцім асобам і захоўваюцца ў адпаведнасці з Правіламі абароны прыватных дадзеных UWC. |
Калі ты маеш пытанні пра працэс адбору ці пра анлайн-заяўку, задавай іх у адной з сацыяльных сетак Нацыянальнага камітэту, ці па электроннай пошце каардынатара адбору: